幾個平時行走「漿糊」唔黐家的兄弟，迷你倉新蒲崗每逢Family day 都要從良做足一日家庭司機；為屋企人服務的行程由朝�到晚，上山下海各適其適、總而言之路途偏僻：鹿頸踩單車、西貢遊船河，流浮山釣魚，還有些差點在濕地公園曬到中暑。 黃昏時間大家的 Whatsapp 群組自動地熱鬧起來，原因是為了夜晚的聚會地點而傷腦筋。幾個家庭齊齊開飯，扶老攜幼的墟�場面，location 永遠最頭痕。要有一流食物質素，還要招呼熱情周到，最好當然是停車即到。收集了所有意見，我想起了粉嶺的新漢記。粉嶺聯和墟的新漢記，用料精、炒功勁、老闆漢哥又熱情，十多年來贏盡口碑，早已是新界區家傳戶曉的名店。賣到街知巷聞的豬油撈飯，嚴選泰國的紅菊花絲苗，以缽仔隔水蒸35分鐘，煙韌彈牙無起骨的飯粒熱辣辣，溶化了肥豬腩炸出來的豬油；再加生抽、老抽和頭抽精煉而成的香濃豉油，是所有人都遺忘了的純樸美味，開胃程度和扒飯速度會嚇呆自己。撈飯首選的蒸蜆乾，是漢哥專誠委託沙頭角禁區內的阿婆，在烈日當空的情況下，把肥美的黃沙蜆曬足三日。水分蒸發之後，剩下了的就只有適量鹽分，伴薑絲蒸，粒粒鹹鮮，一啖食盡了整個海洋的精華。多肉少骨的懵仔魚，經過和粗鹽發生過一夜情之後，清蒸的方法最能表達粗菜細做的吸引力，滑溜程度比鐵板燒吃到的銀鱈魚勁幾倍，絕對是送飯的頭號幫手。 主打平靚正客家菜的新漢記，招牌之一的走地雞皮爽肉滑，原來秘密在於用一煲無添加任何旁門左道調味料的滾水，熄火焗透身，自然好味到連骨都想�埋。肥騰騰、香噴噴的三杯焗豬大腸，打開煲蓋即時引來全�尖叫，件件重肥的大腸炆得鬆軟腍滑，一食停不了口。患了痛風、血脂高和膽固醇高的幾位長輩，一路食一路笑，笑容由嘴角笑到上太陽穴，笑言會銘記曾幾何時有我這個肥仔，讓他們在暮年再重溫紮實的客家好味道。 新漢記地址：粉嶺聯和墟聯和道5號電話：2683 0000 少年食神林澄光（Michael）致力用金錢換無限快樂。TVB、Now TV飲食及旅遊節目主持人
請先 登入 以發表留言。